من طرف مسلسل لييى
السلام عليكم
أخيرا ضحكتلي الأيام وأصبحت إنسان رفيع المستوى , صاحب شهادة عالية من جامعة
(هم غم بم) الأمريكية
بين قوسين أصبحت (دبلوماسي) من عشاق المناصب والكراسي لدرجة اني وليت مش عارف ساسي من راسي ومع كل حدث يصير في العالم يزداد حماسي
بالليبي وعلى قول خالتي فجرة ضارب خماسي في سداسي
قاعد نلف وندور في سبيل نحصل مقعد في مجلس محلي ولا حتى حقيبة في الأنتقالي
مجرد احلام
دايخ ومستمخ في دنيا هايجة وخايضة وخاشة بعضها من جميع التراكين والاتجاهات
,خوذ وهات وربي يرحم من مات
كنت غلبان مجرد إنسان عادي مانعرفش نفرق بين الأبيض والرمادي
نسمع بالارهاب وكنت نحسابه شبيه للكباب حاجة تسد الجوع وخلاص
تاري الإرهاب عالم كبير زي وادي الذئاب
واليوم والحمد لله أصبحت خبير ومحلل ودبلوماسي كبير وخطير
نقدر في جلسة عادية ندخلها في بعضها ونخليها تولع بين دولة ودولة
فتنة دبلوماسية ,نلتوي على التصريحات نقلبها قلبة شخشير ونغيرها تغيير فيه إستراتجية وجو من تحت لتحت لدغات حية
شن حالكم طرف طرف وشن سعوركم وانتم حاسين بالرطوبة العالية في ظل الحرية
هانت وفرجت بعد وصول المية والضي صار 100 في ال100
فرحنا وشغلنا المكيفات على درجة تكييف 18
كان هذا راهو ماحد قدر يقعمز بحدا صاحبته حتى 30 تانية
خلونا في المفيد وكل واحد منكم يدير باص عيون لودانه الزوز و ويسمع مني هالكلمتين تحت حس مس ممنوع الالتفاف ويرجى اللاتزام بالصمت التام وكل حد منكم يطفي نقاله واللي ماعنداش نقالك ندعوله بعقاب بيلة شاشته مضروبة
مجرد سؤال عالماشي؟؟
شن تغديتوا اليوم
واضحة العلمية يامبكبكة ياكسكسي وكان الجو حار حتى الدلاع يمشي حاله
وماحلى الجو لو شريت دلاعة كبيرة وطلعت في الحلقة الاخيرة دلاعة نية لاصنة ولابنة
وعلى دّكر الدلاع من فيكم يقدر يقولي شن الفرق بين دلاع اليوم وبنات اليوم ؟
خلونا في الجديات ,بعيداً عن الترهات والخرطات .
موضوعي اليوم موضوع ليبي شعبي للعشرة الآف
موضوعي يتكلم عن الاحلام والطموح والامنيات التي تنتاب او يطمح بها كل شاب ليبي وكل شيباني وعجوز
وباش نعطي لموضوعي جو مصداقية وشفافية درت دورة جو استطلاع ميداني
جو صحيفة الوشنطن بوست واول مابديت بديت بجماعة الشارع كوكتيل منهم الصاحي ومنهم المتصنظل ومنهم اللي فاقد حنان ومنهم اللي ماسك كلاشن كوف وشادها أطلاق نار كثيف وعشوائي
توكلت على الله وبديت بطرح اول سؤال
آه ياعبودة ,ياصاحب الطرحة السودة ياولد شارعي الغالي شن طموحك شن أحلامك شن تبي من لأخير في هالدنيا
قالي نبي راحة البال وشقيقة مكيفة وسيارة حديتة ومبلغ مالي مش اقل من ربع مليون هذا غير المرتب اللي نبيه يكون 3720 دولار.
نادية طالبة في الاقتصاد
خير خير يانادية وين بيها نشوف فيك مستعجلة ,,
نادية ..وعلاش التقصقيص ع الصبح
مستعجلة عندي تايم مهم للمليون .
باهي ممكن سؤال؟ غير اوخيك مداير استطلاع عام
باهي تفضل من غير تبلبيل....,
شن طموحك يانادية و شن أحلامك المستقبلية .
نادية ...ضحكتني وماخاطريش في الضحك خليها في سرك وحق ربي سؤال جو في جو
.نبي راجل مالي هندامه معبي وواعي يهنيني ويسترني ويدور بيا العالم شارع شارع يسكنني بروحي من غير جو الايجار ومافيش باس لو يكون حتى كبير في السن شوية
اهني فكرت وحللت المواقف ولقيت أن النظام السابق فعلا كان محطم الشباب وحابس انفاسهم ومفددهم وحارمهم من أحلامهم وامنياتهم
واستنتجت فعلا الثورة بالشباب حتنتصر مهما كانت الصعاب
منقول
» امشط شعر اي عضوو
» مقاس نعال اللي قبلك....
» ايش يستاهل العضو الي قبلك؟!؟!؟!
» اتبت انك!!!..
» اختبار نفسي ادخل وجرب
» رســـــــــــــــــالة الى المــــــــــادح
» مسلسل لييى
» كيف تتقى شر الماء على الالكترونات؟
» الديك الجراة للاجابة على هده الاسئله